Պետդումայում Թրամփին խորհուրդ են տվել՝ ինչպես «փառավորվել դարեդար»

Պետդումայի Ղրիմի պատգամավոր և Անվտանգության կոմիտեի անդամ Միխայիլ Շերեմեթը սպասելի է համարել Վոլոդիմիր Զելենսկու՝ ուկրաինական հակամարտության կարգավորման շուրջ համաձայնության չգալը և կոչ է արել ԱՄՆ-ին դադարեցնել զենքի մատակարարումներն ու ֆինանսական աջակցությունը Կիևին։ ՌԻԱ Նովոստիի» հետ զրույցում նա մեկնաբանել է Դոնալդ Թրամփի խոսքերն այն մասին, որ խաղաղ համաձայնագիր ձեռք չի բերվել, քանի որ Ուկրաինայի առաջնորդը ցանկանում է կռվել։

Պատգամավորի խոսքով՝ ԱՄՆ նախագահի հայտարարությունները բացահայտում չէին, իսկ Զելենսկու պահվածքը սպասելի էր։

Խորհրդարանականը Ուկրաինայի առաջնորդին անվանել է «նացիզմի կողմնակից» և «ռազմական հանցագործ», որը միտումնավոր ոչնչացնում է հանրապետության ժողովրդին։

Շերեմեթը Զելենսկիին նաև գործիք է անվանել Արևմուտքի ձեռքում, որի օգնությամբ նա պայքար է մղում Ռուսաստանի դեմ։

«Ռազմական հակամարտությունը դադարեցնելու համար Թրամփը պետք է ամբողջությամբ դադարեցնի Ուկրաինային ֆինանսավորելն ու մահաբեր զենքի մատակարարումը։ Եթե ​​այս պայմանը կատարվի, մեկ շաբաթվա ընթացքում Ուկրաինայում ռեժիմը կընկնի, և Թրամփը կփառավորվի դարեդար՝ որպես իր խոսքի տեր մարդ, ով փրկեց հազարավոր մարդկանց կյանքն ու առողջությունը»,- ասել է նա։