Մենք միշտ ասել ենք, որ պատրաստ ենք դրանց․ Պուտին

Մոսկվան պատրաստ է բանակցություններ վարել Ուկրաինայում հակամարտության կարգավորման շուրջ։ Այս մասին հայտարարել է Ռուսաստանի նախագահ Վլադիմիր Պուտինը:

«Ինչ վերաբերում է բանակցություններին, ապա մենք միշտ ասել ենք, որ պատրաստ ենք դրանց»,- ասել է Պուտինը:

Նա նշել է, որ Արևմուտքը պետք է ստիպի Վլադիմիր Զելենսկուն չեղարկել բանակցությունների արգելքը։ 

«Ինչպես հայտնի է, Կիևում գործող ռեժիմի ղեկավարը, երբ դեռ բավական լեգիտիմություն ուներ, բանակցություններ վարելն արգելելու մասին հրաման է արձակել։ Եվ հիմա ինչպե՞ս կարելի է վերսկսել բանակցությունները, եթե դրանք արգելված են»,– ասել է ՌԴ նախագահը։

Պուտինի խոսքով՝ նման արգելքի առկայությունն անօրինական է դարձնում հնարավոր բանակցությունների արդյունքները։

«Բացի այդ, ուկրաինական ղեկավարությունն այս պահին նույնպես անօրինական է։ Այս հանգամանքը հղի է իրավական առումով շահերի բախմամբ և արժեզրկելու է բանակցությունների ցանկացած արդյունք»,-ասել է նա։