Օրբանը նշել է Ռուսաստանի դեմ պատժամիջոցների երկարաձգման պայմանները

Ռուսաստանի դեմ պատժամիջոցները կերկարաձգվեն միայն այն դեպքում, եթե Ուկրաինան վերադարձնի գազի տարանցումը և դադարեցնի «Թուրքական հոսքի» վրա հարձակումը։

Lurer.com-ը РИА Новости-ին հղումով հայտնում է, որ համապատասխան հայտարարությունն արել է Հունգարիայի վարչապետ Վիկտոր Օրբանը Radio Kossuth-ի եթերում։

Նա նաև ընդգծել է, որ Կիևը պետք է դադարեցնի ռուսական նավթի տարանցման սպառնալիքները։

Հունգարիայի վարչապետի խոսքով՝ Բուդապեշտը պետք է աջակցի հակառուսական պատժամիջոցներին, որոնք անհրաժեշտ են Ուկրաինային, մինչդեռ Կիևը «քցում է» հունգարացիներին։

«Ես իմ գործընկերներին ասացի, որ եթե Ուկրաինան օգնություն է ուզում, օրինակ՝ Ռուսաստանի դեմ պատժամիջոցների հարցում, ապա թող վերսկսեն գազի տարանցումը և թույլ տան Կենտրոնական Եվրոպայի երկրները, այդ թվում՝ Հունգարիան, իրենց միջոցով ստանան մեզ անհրաժեշտ գազը»,- ընդգծել է Օրբանը։

Նա նշել է, որ Կիևը ներկայումս փորձում է հարձակումներ իրականացնել «Թուրքական հոսքի» վրա «օրինական և կիսաօրինական» միջոցներով։ Հենց այս խողովակաշարով է ներկայումս գազ ստանում Հունգարիան։

Բացի այդ, Բուդապեշտը նավթ է ստանում Ուկրաինայի տարածքով։

Օրբանն ընդգծել է, որ նման միակողմանի աջակցությունն այլևս չի կարող շարունակվել։