Ֆրանսիայի դեսպանը ցույց տվեց՝ ռևիզիոնիզմն անընդունելի է․ Արթուր Խաչատրյան (տեսանյութ)
ՔաղաքականՓաշինյանի՝ ցեղասպանությունը կասկածի դնող հայտարարություններին այսօր հետևեց ՀՀ-ում Ֆրանսիայի դեսպան Օլիվյե Դեկոտինի գրառումը, ըստ որի հենց այս օրն է Ֆրանսիան ճանաչել Հայոց ցեղասպանությունը։ Թե ինչ մեսիջ էր սրանով հղում Ֆրանսիայի դեսպանը՝ Euromedia24-ը փորձեց պարզել ԱԺ «Հայաստան» խմբակցության պատգամավոր Արթուր Խաչատրյանից։
Ըստ Խաչատրյանի՝ Ֆրանսիայի դեսպանի կողմից Հայոց Ցեղասպանության ճանաչման մասին այսօր հիշեցնելը պատահական չէ․ «Այո, կրկնակի անգամ եմ կապ տեսնում Փաշինյանի և Ֆրանսիայի դեսպանի գրառումների միջև, որովհետև երբ Նիկոլ Փաշինյանը սկսեց խոսել «Արևմտյան Ադրբեջանի» մասին Ֆրանսիայի դեսպանն էլի գրառում էր կատարել․ հրապարակել էր «Արևմտյան Ադրբեջանի» նահանգի քարտեզը՝ հիշեցնելով, որ «Արևմտյան Ադրբեջանը» Իրանի իսլամական հանրապետության շրջաններից է»,- նշեց պատգամավորը։
Խաչատրյանի խոսքով՝ Ֆրանսիայի դեսպանը սրանով ուզում էր ասել, որ ցեղասպանությունը հանցագործություն էր ոչ միայն հայ ժողովրդի համար, այլև համայն մարդկության․ «Նա ցույց տվեց, որ ցեղասպանությունն անուրանալի է և անժխտելի։ Ռևիզիոնիզմն անընդունելի է»,- եզրափակեց Արթուր Խաչատրյանը։
Սոնա Հարությունյան
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
