ԱՄՆ-ն ցածր գնահատական է տվել Ուկրաինայի՝ առանց ԱՄՆ օգնության գոյատևելու կարողությանը

Եթե ​​ԱՄՆ-ից օգնությունը դադարեցվի, Ուկրաինան կկարողանա դիմանալ ընդամենը մի քանի ամիս: Այս մասին հայտնում է New York Times-ը (NYT):

Ամերիկյան նոր վարչակազմի իշխանության գալուց հետո, ասվում է հոդվածում, ուկրաինական իշխանությունների համար պարզ դարձավ, որ այլեւս հնարավոր չէ ապավինել ԱՄՆ աջակցությանը։ Ավելին, Վաշինգտոնն այժմ նույնիսկ կարող է հակառակորդ համարվել։

Հրատարակությունն ընդգծում է, որ Կիևն իր շահերը պաշտպանելու քիչ տարբերակներ ունի, և դրանցից ոչ մեկն իդեալական չէ։ Ուստի, եթե Վաշինգտոնը դադարեցնի իր աջակցությունը, Ուկրաինան միայն մի քանի ամիս կկարողանա դիմակայել մարտի դաշտում։

Փետրվարի 25-ին Միացյալ Նահանգները կոչ արեց Եվրոպային առաջատար դեր ստանձնել Ուկրաինային աջակցելու գործում։ Այս մասին հայտարարել է Պենտագոնի ղեկավարի առաջին տեղակալի թեկնածու Սթիվեն Ֆայնբերգը։

Փետրվարի 20-ին NBC-ն հաղորդել է, որ Պենտագոնի քարտուղար Փիթ Հեգսեթը «ապշեցրել է» ուկրաինացի պաշտոնյաներին Ուկրաինայի նախագահ Վլադիմիր Զելենսկու հետ հանդիպման ժամանակ՝ ասելով, որ Վաշինգտոնը դիտարկում է Եվրոպայից ամերիկյան զորքերի զգալի մասը դուրս բերելու հարցը: Հեռուստաալիքի տվյալներով՝ այս պլանը անհանգստություն է առաջացրել Ուկրաինայի ներկայացուցիչների շրջանում։

Թարգմանությունը՝ Մանուել Թամազյանի