Իսրայելում խոշոր ահաբեկչություն է կանխվել

Իսրայելի հետախուզական ծառայությունները կանխել են Հորդանան գետի արեւմտյան ափին 100 կիլոգրամանոց ռումբի օգտագործմամբ ահաբեկչություն։ Այս մասին հայտնում է Ynet լրատվական պորտալը՝ հղում անելով Իսրայելի անվտանգության ծառայությանը:

Անցյալ ամիս Իսրայելի անվտանգության ծառայությունը և անվտանգության ուժերը ոչնչացրեցին ահաբեկչական խմբավորում Ջենինի մոտ գտնվող Քաբաթիա շրջանում՝ ձերբակալելով դրա անդամներին, ովքեր ծրագրում էին խոշոր ահաբեկչություններ իրականացնել:

Գրոհայինները, ինչպես նշում է լրատվական ռեսուրսը, ունեցել են 100 կիլոգրամանոց հզոր պայթուցիկ սարք, որը ցանկանում էին օգտագործել Իսրայելի պաշտպանության բանակի դեմ։