Ռուսաստանն ու Ինդոնեզիան ծրագրում են համատեղ ատոմակայաններ կառուցել
Աշխարհ
Ռուսաստանը և Ինդոնեզիան քննարկում են համատեղ էներգետիկ նախագծերի իրականացման հնարավորությունը, այդ թվում՝ ատոմային և արևային էլեկտրակայանների կառուցումը։ Այս մասին հայտնում է ТАСС-ը՝ հղում անելով ՌԴ էներգետիկայի նախարարությանը։
Ինչպես հաղորդում է գործակալությունը, Ջակարտա կատարած այցի ընթացքում ՌԴ էներգետիկայի նախարարության ղեկավարի տեղակալ Ռոման Մարշավինը մի քանի երկկողմ հանդիպումներ է ունեցել Ինդոնեզիայի իշխանությունների և էներգետիկ ընկերությունների ներկայացուցիչների հետ։
«Դիտարկվում են ատոմային և վերականգնվող էներգետիկայի ոլորտում համատեղ նախագծեր, այդ թվում՝ ատոմակայանների և արևային էլեկտրակայանների կառուցում, ինչպես նաև հիդրոէլեկտրակայանների արդիականացում», - ասվում է էներգետիկայի նախարարության հաղորդագրության մեջ։
Հաղորդվում է, որ ռուսական ընկերությունները պատրաստ են առաջարկել էներգահամակարգերի վթարային կառավարման տեխնոլոգիաներ, ինչպես նաև սարքավորումներ մատակարարել արտադրության համար։
Բացի այդ, նշվում է, որ կողմերը քննարկել են համագործակցությունը նավթի և գազի և էլեկտրաէներգիայի ոլորտներում։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
