ԱՄՆ-ը նախատեսում է հակաօդային պաշտպանության համակարգում ներառել տիեզերական հսկիչներ․ Defense One

ԱՄՆ-ն սկսել է հակաօդային պաշտպանության «Ոսկե գմբեթ» համակարգի ստեղծման աշխատանքները, հայտնում է Defense One-ը։

«ԱՄՆ տիեզերական ուժերը ստեղծել են փորձագետների խումբ՝ գնահատելու, թե իր ընթացիկ ծրագրերից որը կարող է օգնել նախագահ Դոնալդ Թրամփի «Երկաթե գմբեթ Ամերիկայի համար» նախաձեռնության իրականացմանը, և որոնք դեռ պետք է մշակվեն։ Նախաձեռնությունը պաշտոնապես ստացել է «Ոսկե գմբեթ» անվանումը»,- գրում է հրատարակությունը։

Նշվում է, որ նախաձեռնության իրականացման պլանները Պենտագոնում սկսել են մշակվել հունվարի 27-ի Թրամփի հրամանագրից հետո, որով կոչ է արվել ԱՄՆ-ում նոր սերնդի հակաօդային պաշտպանության համակարգ ստեղծել։

Նախատեսվում է, որ պլանավորումը կավարտվի առաջիկա շաբաթների ընթացքում։

Հրատարակության տվյալներով՝ նոր հայեցակարգը ենթադրում է, մասնավորապես, տիեզերական հսկիչների տեղակայում։