Ռազմագերին պատմել է՝ ինչ են ուզում ուկրաինացիներն իրենց երկրի համար

Ուկրաինայի զինված ուժերի գերեվարված զինծառայող Ալեքսանդր Վիսոցկին հայտարարել է՝ ուկրաինացիները ցանկանում են, որ իրենց երկիրը լիովին լինի Ռուսաստանի կազմում, գրում է Gazeta-ն։

«Շատերն իսկապես ցանկանում են, որ ամբողջ Ուկրաինան դառնա Ռուսաստանի Դաշնության մաս: Որովհետև այս 30 տարվա ընթացքում իրականում ոչինչ չի փոխվել: Ոչ մի նոր բան չի կառուցվել։ Ոչ մի նոր բան չկա, իսկ հին ամեն ինչ ոչնչացվում ու վաճառվում է, այդ թվում նաև նավահանգիստներն ու գործարանները»,- կիսվել է ռազմագերին։

Նա նաև հավելել է, որ իր ծառայության ընթացքում ոչ մի սպայի չի տեսել, հրամանատարությունը ներկայացրել է սերժանտների, իսկ սպաները գտնվել են թիկունքում։