Եվրոպայում կոչ են արել բանակցություններից առաջ «ճնշում գործադրել Ռուսաստանի վրա»
Աշխարհ
Էստոնիայի արտաքին գործերի նախարար Մարգուս Ցահկնան կոչ է արել Եվրոպային օգտագործել իր ողջ ազդեցությունը Ռուսաստանի վրա ճնշում գործադրելու համար, որպեսզի թույլ չտա Մոսկվային ուժեղ դիրք գրավել հնարավոր բանակցություններում: Նրա խոսքերը մեջբերում է RND-ը։
Նա կարծում է, որ Եվրոպան այսօր ամուր դիրքերում է, բայց նրան պետք է պաշտպանել։ Նա նշել է՝ ԵՄ-ն «շատ բան ունի իր ձեռքում» Ռուսաստանի վրա ճնշում գործադրելու համար։ «Խնդիրը վերաբերում է ռուսական սառեցված ակտիվներին և պատժամիջոցներ կիրառելու և դրանք չեղարկելու ունակությանը»,-նշել է Էստոնիայի ԱԳՆ ղեկավարը։
«Ցավոք, մենք տեսնում ենք, որ բանակցություններն արդեն ընթանում են, և շուտով բանակցություններ են տեղի ունենալու երկու նախագահների միջև հավասար պայմաններով։ Մենք պետք է տնտեսական և պատժամիջոցների միջոցով ճնշում գործադրենք Ռուսաստանի վրա, որպեսզի Մոսկվան ավելի լավ բանակցային դիրք չունենա։ Եթե Ռուսաստանն ու ԱՄՆ-ն ցանկանում են խոսել Եվրոպայի և Ուկրաինայի մասին՝ առանց մեր համաձայնության անհնար է որոշումներ կայացնել»,- ընդգծել է Ցահկնան։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
