Մեծ Բրիտանիայում տղամարդը ութ րոպեանոց սրտի կանգի ժամանակ տեսել է հանդերձյալ կյանքը

Մեծ Բրիտանիայում տղամարդը ութ րոպեանոց սրտի կանգի ժամանակ տեսել է հանդերձյալ կյանքը : Այս մասին գրում է Daily Mirror թերթը։

Դեյվ Սինգլթոնի մոտ սրտի հետ կապված խնդիրներ են առաջացել։ Մի օր նա զգացել է, որ իր սիրտը կանգ է առնում և խնդրել է իր հարևանին շտապ օգնություն կանչել: Հիվանդանոցի բժիշկները տղամարդուն միացրել են կենսապահովման սարքերին, սակայն 65-ամյա հիվանդը, այնուամենայնիվ, սրտի կանգ է ունեցել։

Ինչպես գրում է թերթը, այդ պահին տղամարդը տեսել է ցանկապատով գեղեցիկ այգի, որի հետևից լսվում էին սիրելիների ձայները։ Սինգլթոնն ասել է, որ երջանիկ էր այդ պահին և չէր ցանկանում վերադառնալ։

Ինչ-որ պահի նրա պատրանքը անհետացել է, և տղամարդն արթնացել է: Նա պնդել է, որ այս դեպքը, որը տեղի է ունեցել 20 տարի առաջ, իրեն ոգեշնչել է արվեստով զբաղվել։