ԱՄՆ-ի՝ Ռուսաստանի և Չինաստանի միջև հարաբերությունները փչացնելու փորձերն ապարդյուն են․ Չինաստանի ԱԳՆ
Աշխարհ
ԱՄՆ վարչակազմի` Չինաստանի և Ռուսաստանի հարաբերություններում սեպ խրելու փորձերը լիովին անհաջող են, քանի որ Պեկինի և Մոսկվայի միջև երկխոսությունը փոփոխության ենթակա չէ արտաքին իրավիճակների պատճառով։ Այս մասին հայտարարել է Չինաստանի ԱԳՆ պաշտոնական ներկայացուցիչ Լին Ցզյանը, փոխանցում է ՏԱՍՍ-ը։
«Չին-ռուսական հարաբերությունները հանգիստ առաջընթաց կցուցաբերեն՝ անկախ միջազգային իրավիճակի լուրջ փոփոխություններից։ Միացյալ Նահանգների փորձերը՝ սեպ խրելու Չինաստանի և Ռուսաստանի միջև հարաբերություններում, բացարձակապես անհաջող են», - ասել է նա:
Ավելի վաղ, ինչպես հայտնել ենք, պետքարտուղար Մարկո Ռուբիոն հայտարարել էր, որ Վաշինգտոնը ցանկանում է թուլացնել Ռուսաստանի և Չինաստանի միջև կապերը, քանի որ դրանց ամրապնդումը կարող է վնասաբեր լինել ԱՄՆ-ի համար։ Նա զգուշացրել է, որ Չինաստանի և Ռուսաստանի միջև ավելի սերտ կապերը խնդիր կստեղծեն Միացյալ Նահանգների համար, եթե Մոսկվան դառնա Պեկինի «մշտական կրտսեր գործընկերը»:
«Մենք կարող ենք հայտնվել մի իրավիճակում, երբ Ռուսաստանը ցանկանում է բարելավել հարաբերությունները Միացյալ Նահանգների հետ։ Նրանք չեն կարողանա դա անել, քանի որ ամբողջովին կախված են չինացիներից», - ասել է ԱՄՆ պետքարտուղարը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
