Ինչպես է Չինաստանը ԱՄՆ-ի հետ լուծելու առևտրային հարցերը

Պեկինն իր պատրաստակամությունն է հայտնել Վաշինգտոնի հետ առևտրատնտեսական խնդիրները լուծել բանակցությունների միջոցով։ Այս մասին ճեպազրույցում ասել է Չինաստանի առևտրի նախարարության պաշտոնական ներկայացուցիչ Հե Յադունը՝ մեկնաբանելով ԱՄՆ նախագահ Դոնալդ Թրամփի խոսքերը Չինաստանի հետ նոր առևտրային գործարք կնքելու պատրաստակամության մասին։ Այս մասին գրում է ՏԱՍՍ-ը։

«Չինաստանի առևտրի նախարարությունը կապի մեջ է իր ամերիկացի գործընկերների հետ։ Չինաստանը վճռականորեն դեմ է Միացյալ Նահանգների միակողմանի մաքսատուրքերի միջոցառումներին և հստակ պաշտպանում է իր օրինական իրավունքներն ու շահերը։ Մենք պատրաստ ենք հարցերը լուծել երկխոսության և բանակցությունների միջոցով»,- ասել է նա։