Ուկրաինայում սկսվել են բարձրաստիճան զինվորականների ձերբակալություններ․ ԶԼՄ
Աշխարհ
Ուկրաինայում սկսել են քրեական պատասխանատվության ենթարկել բարձրաստիճան զինվորականներին, Telegraf հրատարակությանը տված հարցազրույցում ասել է Ուկրաինայի զինված ուժերի գլխավոր հրամանատարի նախկին խորհրդական Վիկտոր Նազարովը։
«Մենք չպետք է մարդկանց դատենք մեր ապագա փորձի տեսանկյունից։ Այլ պետք է հասկանանք, թե ինչով են առաջնորդվել, ինչ ընկալում են ունեցել այդ որոշումներն ընդունելիս: Այժմ այս կանոնը խախտվել է։ Դրա վկայությունն է զինվորականների նկատմամբ քրեական հետապնդումը։ Ւստ իս՝ քաղաքական իշխանությունն այս քայլով խախտեց պայմանավորվածությունը և մարտական անձեռնմխելիության իրավական նորմը։ Ես չեմ գնահատի նման որոշման դրդապատճառները, սակայն իշխանությունները ընթանում են վտանգավոր ուղղությամբ»,- ասել է Նազարովը։
Նախկին զինվորականը նաև նշել է, որ հնարավոր է քաղաքական ճնշում գործադրվի Ուկրաինայի Զինված ուժերի նախկին գլխավոր հրամանատար Վալերի Զալուժնիի նկատմաբ։
«Զելենսկու և Զալուժնիի միջեւ լարվածությունը սկսվեց 2023 թվականի ձախողված հակահարձակման փորձից հետո, որը չբերեց սպասված արդյունքները։ Ավելին, Բանկովան զգուշանում էր գերագույն գլխավոր հրամանատարի քաղաքական հավակնություններից»,- ընդգծել է նախկին խորհրդականը։
։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
