Ուկրաինայի անդամակցությունը ԵՄ-ին այժմ անհնար է, բայց ոչ ապագայում․ Օրբան
Աշխարհ
Հունգարիայի վարչապետ Վիկտոր Օրբանը կտրականապես դեմ է Ուկրաինայի՝ Եվրամիություն անհապաղ ընդունմանը, սակայն չի բացառում, որ դա կարող է տեղի ունենալ ապագայում։
Պատասխանելով Kossuth ռադիոկայանի առավոտյան հաղորդման հարցերին՝ նա հայտարարել է, որ ներկայումս Ուկրաինայի անդամակցությունը ԵՄ-ին լիովին հակասում է Հունգարիայի շահերին։
Օրբանն ընդգծել է, որ ինքը «բացահայտորեն դեմ է» Ուկրաինայի՝ համայնք ընդունելուն։ Միևնույն ժամանակ, նա չի պնդում, որ այս իրավիճակը «հավերժ կպահպանվի»։
«Ո՞վ գիտի, թե ինչ է բերելու պատմությունը։ Սա ոչ ոք չի կարող իմանալ, բայց մի բան հաստատ կարող եմ ասել՝ այստեղ և հիմա դա անհնար է պատկերացնել»,- ասել է վարչապետը։
Նրա կարծիքով, Ուկրաինայի անդամակցությունը ԵՄ-ին «առաջին հերթին կհանգեցնի հունգարացի ֆերմերների և հունգարական գյուղատնտեսության ոչնչացմանը՝ որպես ամբողջություն, և դա կկործանի ամբողջ հունգարական ազգային տնտեսությունը»:
«Ես չեմ կարող ոչ մի բառ ասել ԵՄ-ին Ուկրաինայի անդամակցության համար Հունգարիայի շահերի տեսանկյունից և կարող եմ բազմաթիվ փաստարկներ բերել, որոնք դեմ են նրա անդամակցությանը հենց հիմա»,- նշել է Օրբանը։
ՈՒՂԻՂ ԵԹԵՐ
Ամենադիտված 
Ստեփան Դեմիրճյանին հրապարակային զգուշացնում եմ․ Քեզ տրվում է 24 ժամ ժամանակ. Լեւոն Բաղդասարյան
