Թրամփը մեկ տարով երկարաձգել է ԱՄՆ նավահանգիստներում Ռուսաստանի հետ կապված նավեր ընդունելու արգելքը

ԱՄՆ նախագահ Դոնալդ Թրամփը մեկ տարով երկարաձգել է 2022 թվականի ապրիլի 21-ի կանոնակարգը, որն արգելում է Ռուսաստանին առնչվող նավերին խարիսխ գցել ամերիկյան նավահանգիստներում։

«Ռուսաստանի Դաշնության կառավարության քաղաքականությունն ու գործողությունները շարունակում են ստեղծել արտակարգ իրավիճակ (...) Հետևաբար, ես մեկ տարով երկարացնում եմ Ռուսաստանի նկատմամբ արտակարգ իրավիճակի ռեժիմը և Ռուսաստանի հետ կապված նավերի նավարկումը և տեղափոխումը կարգավորելու արտակարգ լիազորությունները, ինչպես սահմանված է 10371 հռչակագրում, - ասվում է Կոնգրեսին ուղղված Թրամփի նամակում, որը հրապարակել Է Սպիտակ տունը:

2022 թվականի ապրիլի 21-ին ԱՄՆ այն ժամանակվա նախագահ Ջո Բայդենը հայտարարեց, որ Ռուսաստանի հետ կապված նավերին կարգելվի մուտք գործել ամերիկյան նավահանգիստներ։

«Սա նշանակում է, որ Ռուսաստանի դրոշի ներքո գտնվող ոչ մի նավ կամ այն նավը, որը պատկանում է Ռուսաստանին կամ ղեկավարվում է Ռուսաստանի հետ կապված որևէ մեկի կողմից, չի կարողանա մտնել ԱՄՆ նավահանգիստ, մոտենալ մեր ափերին»,-ասաց այն ժամանակ ԱՄՆ նախագահը: Հետագայում այդ արգելքը երկարաձգվեց։