«Կրթվելը նորաձև է» շարժումը Տաթևում

Այսօր «Կրթվելը նորաձև է» շարժման հերթական կանգառը Տաթև համայնքն էր։ Հանդիպումն անցավ ավանդական ձևաչափով և առանձնացավ իր բովանդակային հագեցվածությամբ և մասնակիցների կողմից ցուցաբերված մեծ հետաքրքրվածությամբ։ Այս մասին հայտնում է «Իմ քայլը» հիմնադրամը։

Բանախոսություններով հանդես եկան շարժման ղեկավար, «Իմ քայլը» հիմնադրամի գործադիր տնօրեն Աննա Հակոբյանը և ՀՀ վարչապետ Նիկոլ Փաշինյանը: Բանախոսությունների` արդեն բոլորին հայտնի վերնագրերն են` «Մնացել ենք 5-րդ դարում», «Իմանալ՝ ինչպես» և «Իրական Հայաստան»։

Երաժշտական դադարն այս անգամ ներառում էր երեք ելույթ՝ «Քամանչա» ժողովրդական նվագարանների համույթի, «Շինուհայր» երգի-պարի համույթի և «Թև Թևի» ներառական զարգացման կենտրոնի սանի կողմից։

Հանդիպման ամենաաշխույժ հարցուպատասխանի հատվածում Տաթևի բնակիչները բարձրացրին հարցեր, որոնք վերաբերում էին իրենց համայնքում առկա խնդիրներին, ժողովրդավարության և դրա պաշտպանության մեխանիզմներին, երիտասարդների շրջանում մշակութային կյանքի խթանմանը, ինչպես նաև շարժումը երիտասարդ սերնդին՝ հատկապես դեռահասներին և պատանիներին հասցնելու հնարավորություններին։

«Կրթվելը նորաձև է»՝ ամենուր։ Շարժման 34-րդ հանդիպումը Տաթևում ևս մեկ անգամ ցույց տվեց՝ կրթության շուրջ ձևավորվող հանրային խոսքը դրական ազդեցություն է ունենում մտածելակերպի և արժեհամակարգի փոփոխության գործում: 

Դուք նույնպես կարող եք միանալ այս համընդհանուր առաջընթացին՝ գրանցվելով հետևյալհղումով` https://forms.gle/JFXga4bc21YDPNiw8

Առաջիկա հանդիպումների օրերը՝

- Մայիսի 31 Վանաձոր

- Հունիսի 7 Սիսիան

- Հունիսի 8 Գորիս

- Հունիսի 15 Արտաշատ

- Հունիսի 21 Մարալիկ

- Հունիսի 28 Երևան

- Հուլիսի 6 Աշտարակ

- Հուլիսի 13 Մարտունի