Փողի գողը գո՞ղ ա, հողի գողը գո՞ղ չի․ Ավինյանը զգուշացրեց՝ քանդվելու են բոլոր ապօրինի շինությունները
Քաղաքական
«Ապօրինի շինարարության դեմ պայքարը մնում է մեր ամենախնդրահարույց զանցանքներից, և Երևանի առջև ծառացած ամենաբարդ խնդիրներից մեկը»,- գործակարգավարական խորհրդակցության ժամանակ ասաց Երևանի քաղաքապետ Տիգրան Ավինյանը:
«Քանակն ու ծավալները նվազել են, բայց մշակույթի դեմ պայքարը մի փոքր դժվար է: Մենք պետք է ընկալենք, որ ապօրինի շինարարությունը մեր քաղաքում ընդունելի չէ:
Պայքարելու ենք ամենակոշտ մեթոդներով, և Երևանի քաղաքապետարանն անհոգնել քանդելու է նոր առաջացող ապօրինի շենքեր, շինություններ, հարկեր, կցակառույցներ, առաջ տված բալկոններ»,- ասաց նա:
Ավինյանը նշեց, որ առողջ մտածելակերպ չէ, նորմալ չէ, երբ մարդը մտածում է՝ ոնց անի․ բակի անկյունն իրենով անի․
«Փողի գողը գող է, հողի գողը գող չէ՞, հողի գողն էլ է գող և, առհասարակ, համայնքային հողի վրա կառուցապատվող որևէ շինություն ամենակոշտ ձևով քանդվելու է»,- նշեց քաղաքապետը։
Նա վստահեցրեց․ «Պայքարելու ենք ամենակոշտ մեթոդներով, և Երևանի քաղաքապետարանն անհոգնել քանդելու է նոր առաջացող ապօրինի շենքեր-շինություններ, հարկեր, կցակառույցներ, առաջ տված բալկոններ»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
