Ժպտում ենք ու ասում՝ Աղազարյանի ու Ասլանյանի միությունը ծնեց քաղաքական գործիչ Մարուքյանին․ Սիմոնյան

ԱԺ նախագահ Ալեն Սիմոնյանը լրագրողների հետ զրույցում անդրադարձել է ԱԺ պատգամավորներ Հովիկ Աղազարյանի և Հակոբ Ասլանյանի՝ Նիկոլ Փաշինյանի նկատմամբ անվտահության գործընթաց սկսելու նախաձեռնությանը և նրանց կողմից՝ Էդմոն Մարուքյանին որպես վարչապետի թեկնածու առաջադրելուն։

«2018 թվականից էս կողմ մենք նմանատիպ պրոցեսների ականատես ենք լինում և, անկեղծ ասած, լուրջ չենք վերաբերվում, որովհետև մենք լուրջ վերաբերվում ենք միայն ՀՀ ժողովրդի ձայնին, իսկ ձեր նշած երկու քաղաքացիները որևէ ժողովրդական զանգված չեն ներկայացնում։ Նրանք ՔՊ–ի, ՔՊ ղեկավարի շնորհիվ հայտնվել են Ազգային ժողովում և այն մարդիկ, որոնք իրենց ձայնն են տվել դրա համար, հաջորդ անգամ ձայն չեն տալու։ Նման պրոցեսին որևէ ձևով չենք վերաբերվում, չենք քննարկում, մեկ–մեկ իրար ուղարկում ենք, ժպտում ենք, ասում ենք, որ Աղազարյանի և Ասլանյանի քաղաքական միությունը Էդմոնին ծնեց որպես քաղաքական գործիչ և դրանով սահմանափակվում է մեր քննարկումը»,– ասել է Սիմոնյանը։

 Նա նշել է, որ ՔՊ խմբակցությունն ունի մեկ թեկնածու և այլ քննարկումներ չի ունենում։