Իրանում հայտնել են Իսրայելի հարձակումների մեկնարկից ի վեր զոհերի թիվը

Առնվազն 48 կին և երեխա է զոհվել Իրանի տարածքին Իսրայելի կողմից իրականացված հարվածների հետևանքով, հայտարարել է Իրանի կառավարության խոսնակ Ֆաթեմեհ Մոհաջերանին, հայտնում է NourNews-ը։

«Վերջին մի քանի օրվա ընթացքում վիրավորվել է 153 կին և երեխա, 48-ը մահացել է»,- ասել է Իրանի կառավարության խոսնակը։

Հունիսի 13-ի գիշերը Իսրայելը սկսեց «Հարություն առնող առյուծ» գործողությունը՝ հարվածելով Իրանի միջուկային և ռազմական օբյեկտներին: Հարվածների թիրախ են դարձել միջուկային զենքի մշակման հետ կապված ենթակառուցվածքները, ինչպես նաև իրանցի գեներալների գտնվելու վայրը: Նույն օրը երեկոյան Իսլամական հեղափոխության պահապանների կորպուսը հայտարարեց «Ճշմարիտ խոստում 3» կոչվող պատասխան գործողության մեկնարկի մասին:

Երկրների միջև հակամարտությունը շարունակվում է արդեն 5 օր։. Թեհրանը երեկ երեկոյան խոստացել էր հատկապես լայնածավալ հարձակումներ իրականացնել։ Իսրայելն իր հերթին հարձակվել է, ի թիվս այլ բաների, Իսլամական հեղափոխության պահապանների կորպուսի ռազմական համալսարանի, ուրանի հարստացման ցենտրիֆուգների գործարանի և զենքի արտադրության մի քանի օբյեկտների վրա: