Իրանի գերագույն առաջնորդը հայտարարել է Իսրայելին նոր հարվածներ հասցնելու ծրագրերի մասին

Իրանի հակահարվածը թուլացրեց Իսրայելին, Թեհրանը նոր հարվածներ հասցնելու ծրագիր ունի։ Այս մասին հայտարարել է Իրանի հոգևոր առաջնորդ Ալի Խամենեին, փոխանցում է ՌԻԱ Նովոստին։

Նրա խոսքով՝ Իսրայելը պետք է պատժվի։

«Վրեժի գործողությունը, որը Իրանի ժողովուրդն ու զինված ուժերն արդեն իրականացրել և այժմ իրականացնում են, և պատրաստվում են իրականացնել ապագայում, դաժան պատիժ է, և դա թուլացրեց Իսրայելին»,- ասել է Խամենեին։

Նա ազգին ուղղված իր ուղերձում մեկնաբանել է նաև ԱՄՆ նախագահ Դոնալդ Թրամփի՝ կապիտուլյացիայի կոչը՝ հայտարարելով, որ երկիրը «պինդ կանգնած է» և մտադիր չէ զիջել։