Պլանավորում ենք՝ մինչև տարեվերջ մատուցվող բոլոր ծառայություններն էլեկտրոնային հարթակով լինեն հասանելի. Ավինյան

Առաջիկայում հայտարարելու ենք YES (Yerevan electronic services) նախագծի նոր հարթակի մասին, որտեղ գրեթե բոլոր ծառայությունները թվայնացված ունենալու ենք դեռևս web ֆորմատով:

Այս մասին Երևանի ավագանու հունիսի 24-ի նիստի ժամանակ հայտարարել է քաղաքապետ Տիգրան Ավինյանը՝ մանրամասներ հայտնելով.

«Մինչև տարվա վերջ մենք պլանավորում ենք մեր քաղաքի կողմից մատուցվող բոլոր ծառայությունները, բոլոր հնարավոր... այսինքն՝ գրեթե ենթադրում եմ, որ ծառայություն չի մնալու, որ էլեկտրոնային հարթակով հասանելի չի լինելու, և մինչև տարվա վերջ պլանավորում ենք, որ YES հարթակն ունենա հավելված և՛ Andriod-ի, և՛ iOS-ի համար»,- ասել է նա:

Ըստ Ավինյանի՝ «Բնակչության հատուկ սպասարկում» ՀՈԱԿ-ին վերաբերյալ անպայմանորեն կդիտարկվեն ոչ միայն բուն թվայնացման, այլև բիզնես պրոցեսների պարզեցման հարցերը:

«Օրինակ՝ եթե ինչ-որ մի թուղթ ուզում ենք, բայց այդ թուղթը կարող են մեր Interoperbility հարթակից ստանալ ավտոմատ կերպով, վստահորեն հենց այդպես էլ կանենք»,- տեղեկացրել է քաղաքապետը: