Հայտնի է դարձել Ուկրաինայում պահվող ռուսների թիվը

Ռուսաստանի մարդու իրավունքների պաշտպան Տատյանա Մոսկալկովան հայտնել է, որ Ուկրաինայի Սումի քաղաքում դեռ պահվում են Կուրսկի մարզի 32 բնակիչ։ Ըստ նրա, Ռուսաստանի տարածք արդեն վերադարձվել է 132 քաղաքացի, որոնցից 22-ը՝ Ստամբուլում տեղի ունեցած բանակցությունների արդյունքում, գրում է ՏԱՍՍ-ը։

«Հուսով ենք, որ մեր համատեղ ջանքերը և միջազգային կազմակերպություններին ուղղված իմ դիմումները կհանգեցնեն նրան, որ ուկրաինական կողմը կընդունի Ժնևյան կոնվենցիայի պահանջները և պարզապես կդրսևորի ողջախոհ մոտեցում», — նշել է Մոսկալկովան։

Ավելի վաղ նախագահ Վլադիմիր Պուտինը հանձնարարել էր շարունակել Ուկրաինայից ռազմագերիների փոխանակման և վերադարձի աշխատանքները՝ ընդգծելով դրա կարևորությունը։