Մի սպասեք ոչ մի լավ բան. Ռուսաստանում կոշտ գնահատել են ՆԱՏՕ-ի գագաթնաժողովը

ՆԱՏՕ-ի գագաթնաժողովից ոչ մի դրական արդյունք պետք չէ սպասել, քանի որ նման հանդիպումները լուրջ որոշումներ չեն ընդունում։ Այս մասին հայտարարել է ՌԴ Դաշնության խորհրդի միջազգային հարցերի կոմիտեի փոխնախագահ Անդրեյ Կլիմովը՝ նշելով, որ միակ իրատեսական արդյունքը կարող է լինել դաշինքի պաշտպանական ծախսերի աստիճանական ավելացումը մինչև ՀՆԱ-ի 5 տոկոսը։

«Խորհուրդ եմ տալիս ոչ ոք որևէ լավ բան չսպասի այդ հանդիպումներից։ Նրանք հավաքվում են՝ մեկի համար կարիերա են կառուցում, մյուսները՝ ուղղակի մեզ ատում են, երրորդները էլ դրա վրա լուրջ փող են աշխատում», — նշել է Կլիմովը։ Նա նաև հավելել է, որ նման ծախսերի աճը կարող է դառնալ Եվրամիության համար լուրջ հարված։

Հիշեցնենք, որ ավելի վաղ Reuters-ը հայտնել էր՝ ՆԱՏՕ-ի բոլոր երկրները պայմանավորվել են մինչև 2035 թվականը պաշտպանական ծախսերը հասցնել ՀՆԱ-ի 5 տոկոսի, որից 3,5 տոկոսը՝ ուղղակի ռազմական կարիքների, իսկ 1,5 տոկոսը՝ կիբեռանվտանգության և ենթակառուցվածքների արդիականացման համար։ ՆԱՏՕ-ի գագաթնաժողովը կայացել է Հաագայում՝ հունիսի 24-25-ին։