ՆԱՏՕ-ն թուլացրել է Ռուսաստանի դեմ քննադատությունը

Հաագայում ընթացող ՆԱՏՕ-ի գագաթնաժողովի ամփոփիչ հաղորդագրության մեջ դաշինքի երկրները մեղմացրել են Ռուսաստանի նկատմամբ քննադատական հռետորաբանությունը։ Ինչպես հաղորդում է The Telegraph-ը՝ հղում անելով փաստաթղթի արտահոսած տարբերակին, «դաշնակիցները համաձայնել են թուլացնել ՌԴ-ի հասցեին հնչող քննադատությունը»։

Թերթը հիշեցնում է, որ 2023 թ․ ՆԱՏՕ-ի ամփոփիչ հայտարարության մեջ Ռուսաստանը բացահայտ մեղադրվում էր Ուկրաինայում պատերազմ սկսելու մեջ։ Բացի այդ, այս տարվա փաստաթուղթն ակնհայտորեն ավելի կարճ է՝ ամերիկյան նախագահի՝ Դոնալդ Թրամփի հնարավոր արձագանքը հաշվի առնելու նպատակով։

Ավելի վաղ հայտնի էր դարձել, որ Ուկրաինայի և Վրաստանի՝ ապագայում ՆԱՏՕ-ին անդամակցելու խոստումը ևս չի ներառվել այս տարվա ամփոփիչ տեքստում։