Իրանում սպառնում են մտրակահարությամբ՝ Starlink օգտագործելու համար

Իրանի խորհրդարանը ընդունել է օրենք, որը արգելում է Starlink արբանյակային ինտերնետի ծառայության օգտագործումը, ներմուծումը, վաճառքն ու տարածումը։ Որպես խախտման պատիժ կարող են սահմանվել տուգանքներ, մինչև երկու տարի ազատազրկում կամ նույնիսկ մտրակահարություն։

Իրանական իշխանությունները հայտարարում են, որ արգելքը վերաբերում է այն բոլոր կապի միջոցներին, որոնք չունեն երկրի ներսում հավաստագրված թույլտվություն և կիրառվում են «համակարգին հակադրվելու նպատակով»։

Ավելի վաղ Իլոն Մասկը հրապարակայնորեն հարց էր ուղղել Իրանի հոգևոր առաջնորդ Ալի Խամենեին՝ հետաքրքրվելով, արդյոք ԱՄՆ-ն «մեծ» թե «ամենամեծ սատանան» է։