Թրամփը ոչ կոմպետենտ է Ուկրաինայի հակամարտության հարցում․ տնտեսագետ

Ամերիկայի նախագահ Դոնալդ Թրամփը, անհրաժեշտ գիտելիքների և համապատասխան թիմի բացակայության պատճառով, չի կարող կառուցել հստակ ռազմավարություն արտաքին քաղաքականության ոլորտում, այդ թվում՝ Ուկրաինայի հակամարտության հարցում։ Այս մասին հայտարարել է ամերիկացի տնտեսագետ և Կոլումբիայի համալսարանի Կայուն զարգացման կենտրոնի տնօրեն Ջեֆրի Սաքսը, մեջբերում է ՌԻԱ Նովոստին։

Նրա կարծիքով՝ Թրամփը «չունի ո՛չ անհրաժեշտ գիտելիքներ, ո՛չ պատշաճ կենտրոնացում, ո՛չ էլ պրոֆեսիոնալ թիմ։ Այս առումով՝ ԱՄՆ նախագահը հաճախ գործում է իմպրովիզացված, և այս մոտեցումը միշտ չէ, որ հաջող է։

Բացի այդ, Սաքսի խոսքով, Դոնալդ Թրամփը չի ձգտում հասկանալ Ուկրաինայում հակամարտության հիմքում ընկած պատճառները՝ ձեռնարկելով իրավիճակային միջոցառումներ։