Գարշահոտ և հակասանիտարական վիճակ 44_օրյա պատերազամի հերոսներին նվիրված հուշաքարի մոտ. թաղապետարանը լուռ է

Արդեն մի քանի օր է, որ SHAMSHYAN.com-ը բազմաթիվ հեռախոսազանգեր է ստանում Երևան քաղաքի Աջափնյակ վարչական շրջանի բնակիչներից, ինչպես նաև այլ քաղաքացիներից, ովքեր արդարացիորեն իրենց զայրույթ են հայտնում Երևանի քաղաքապետ Տիգրան Ավինյանի, Աջափնյակ վարչական շրջանի ղեկավար Սերոբ Սարգսյանին և «Վեոլիա Ջուր» ընկերությանը, ովքեր մեկ շաբաթից ավելի է՝ անտարբերության են մատնում իրենց ահազանգերը։

Լենինգրադյան փողոցում գտնվող, 44-օրյա պատերազմում նահատկված լեգենդ դարձած հերոսների հիշատակը հավերժացնող հուշարձանների տարածքում գտնվող դիտահորից կեղտաջուրը թափվում է, դուրս է գալիս, ողողելով Լենինգրադյան և Սեբաստիա փողոցները։Գարշահոտը զգացվում է անգամ մի քանի հարյուր մետրից։ Բնակիչները, ովքեր հրաժարվեցին տեսախցիկի առաջ խոսել, ասում էին․ «Մեկ շաբաթից ավելի է՝ էս ահավոր վիճակն է, անտանելի է։Հոտը հասնում է նույնիսկ հարակից շենքեր։

Ում ասես դիմել ենք՝ թե քաղաքապետարանի թեժ գիծ, թե Աջափնյակ թաղապետարան, թե «Վեոլիա Ջուր», բայց ոչ մի դրական պատասխան։

Գալիս ենք, որ մեր հերոսների հիշատակը հավերժացնող հուշակոթողին ծաղիկներ խոնարհենք, գոնե 10 րոպե նստենք՝ սրտներս հովանա մեր հերոսների մոտ, բայց հոտը սպանում ա։ Էլ չենք ասում, որ վարակի բուն ա։Երևանի քաղաքապետարանը և Աջափնյակի թաղապետարանը, եթե իրոք արժևորում են մեր հերոսների կատարած սխրանքները, գոնե այդ տարածքում օր առաջ պետք է էս կեղտը վերացնեն։ Եվ դա պետք է անի «Վեոլիա Ջուրը»։