Հրդեհ՝ Աշտարակում․ տուն է այրվել
Արտակարգ Պատահար
Հուլիսի 11-ին, ժամը 07։20-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աշտարակ քաղաքի Երևանյան փողոցի տներից մեկի տանիքում հրդեհ է բռնկվել։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է Երևանյան փողոցի տներից մեկում․ տուժածներ չկան։
Հրդեհը մեկուսացվել է ժամը 08։13-ին, մարվել՝ 08։30-ին։ Այրվել են տան տանիքի (250 քմ) փայտե կառուցատարրերը (մոտ 20 քմ), խոհանոցում՝ գույքը, կենցաղային իրեր և տեխնիկան, վնասվել են՝ օդորակիչը, պատուհանները և դուռը։
Հրշեջ-փրկարարները կանխել են հրդեհի հետագա տարածումը դեպի տանիք և հարակից սենյակներ:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
