Բելառուսում ընդդիմադիրները փող են առաջարկում Տիխանովսկուն՝ կնոջ դեմ փաստերի դիմաց

Բելառուսի նախկին նախագահական թեկնածու և բլոգեր Սերգեյ Տիխանովսկուն ընդդիմադիր գործիչները խոստացել են ֆինանսավորում տրամադրել՝ պայմանով, որ նա բացահայտի կոմպրոմատներ իր կնոջ՝ Սվետլանա Տիխանովսկայայի թիմի և ֆինանսների վերաբերյալ։ Այդ առաջարկով հանդես են եկել ընդդիմադիրներ Վյաչեսլավ Եպիշկոն և Ռուսլան Խազինը, որոնք հրապարակել են տեսանյութ Telegram-ով։

Նրանք քննադատել են Տիխանովսկայայի գրասենյակի անարդյունավետ աշխատանքը և պահանջել են հաշվետվություն 170 մլն եվրո ֆինանսավորման մասին, որը տարիների ընթացքում ստացել է նրա թիմը։ Միևնույն ժամանակ, Տիխանովսկին դիմել էր ընդդիմությանը՝ խնդրելով 200 հազար եվրո՝ Լուկաշենկոյի ռեժիմի դեմ պայքարի համար, սակայն ստացել էր ընդամենը 1000 եվրո և հիասթափված արձագանքել էր։

Տիխանովսկին ավելի վաղ հրաժարվել էր քաղաքական առաջնորդի հավակնություններից ազատությունից հետո։ Իսկ Սվետլանա Տիխանովսկայան այս աղմկահարույց միջադեպին առայժմ հրապարակային կերպով չի արձագանքել։