ԱՄՆ-ում կայացած Աշխարհի ակումբային առաջնությունը դարձավ 2026-ի «փորձնական կրակոց»՝ քննադատությամբ ու շոգով ուղեկցված

Չելսիի հաղթանակով եզրափակված ՖԻՖԱ-ի առաջին 32-թիմանոց Աշխարհի ակումբային առաջնությունը ծառայեց որպես «նախավարժանք» 2026-ի աշխարհի առաջնության համար։ Տարածված քննադատությունները՝ խաղադաշտերի որակից մինչև շոգ եղանակ ու նոսր հանդիսատես, դրդել են ՖԻՖԱ-ին խոստովանել սխալները և վերանայել կազմակերպչական մոտեցումները։

Մրցաշարի ընթացքում խաղերը երբեմն անցկացվում էին մինչև 30°C շոգ պայմաններում, ինչն առաջացրել է ՖԻՖՊՐՈ-ի և խաղացողների դժգոհությունը։ ՖԻՖԱ-ի նախագահ Ջանի Ինֆանտինոն խոստացել է, որ 2026-ին օգտագործվելու են տանիքներով ու օդորակմամբ համալրված մարզադաշտեր, իսկ խաղերը կանցկացվեն օրվա ավելի հարմար ժամերին։ ԱՄՆ, Կանադա և Մեքսիկա համատեղ ընդունող երկրները կունենան 104 խաղ՝ նախորդ Մունդիալի 64-ի փոխարեն։

ՖԻՖԱ-ն արդեն բացել է գրասենյակներ Մայամիում և Նյու Յորքի Թրամփ Թաուերում, իսկ Դալասում գործարկվելու է 485,000 քմ հզորությամբ հեռարձակման կենտրոն։ Չնայած կազմակերպչական խնդիրներին, ՖԻՖԱ-ն հայտարարում է՝ «սա փորձարկում չէ, այլ պատմական իրադարձություն», իսկ ձեռքբերված փորձը որոշիչ կլինի հաջորդ տարվա համաշխարհային առաջնության կազմակերպման համար, հայտնում է Reuters-ը։