Բժիշկը նշել է թոքաբորբ առաջացնող հայտնի դեղամիջոցները. որո՞նք են դրանք

Բժիշկ և հեռուստահաղորդավար Ալեքսանդր Մյասնիկովը «Ռոսիա 1» ալիքի «Ամենակարևոր բանի մասին» հաղորդման եթերում նշել է հայտնի դեղամիջոցներ, որոնք հրահրում են թոքաբորբ:

Բժիշկը նշեց, որ դեղերի որոշ խմբեր կարող են առաջացնել թոքաբորբի զարգացում։ Դրանց թվում Մյասնիկովն անվանել է օմեպրազոլը, որը նշանակվում է այրոցի դեպքում։ Նա նշել է, որ դեղամիջոցն ընդունող մարդկանց մոտ թոքաբորբն ավելի հաճախ է զարգանում, քան չընդունողների մոտ:

Բժշկի խոսքով՝ հիվանդությունը կարող է առաջանալ նաեւ մետոտրեքսատի օգտագործման պատճառով։

Մյասնիկովը նաեւ հորմոնալ դեղամիջոցներն է ներառել թոքաբորբ հրահրող դեղերի ցանկում։

«Այս ամենը կարող է հանգեցնել ոչ վարակիչ թոքաբորբի»,- եզրափակեց բժիշկը։