Ղրիմը պատրաստ է վերցնել Այվազովսկու ապամոնտաժված հուշարձանը․ Ակսյոնով

Ղրիմը պատրաստ է վերցնել օկուպացված Ստեփանակերտում հայազգի անվանի ծովանկարիչ Հովհաննես Այվազովսկու ապամոնտաժված հուշարձանը, ասել է Ղրիմի ղեկավար Սերգեյ Ակսյոնովը։

«Մի քանի խոսք մեծ նկարիչ Հովհաննես Կոնստանտինի Այվազովսկու հուշարձանի քանդման հետ կապված շատ տգեղ պատմության մասին: Հուշարձանների դեմ պատերազմը ոչ ոքի հարիր չէ, անկախ այն շարժառիթներից, որոնցով փորձում են նման քայլերն արդարացնել։ Եվ դա ոչ մի լավ բանի չի հանգեցնում: Ուկրաինայի օրինակը բոլորի աչքի առաջ է։ Սա վտանգավոր ախտանիշ է, առաջին հերթին, հենց քանդողների համար։ Հովհաննես Այվազովսկին մեր հայրենակիցն է, նա շատ բան է արել Ղրիմի համար։ Մենք պատրաստ ենք ընդունել քանդված հուշարձանը, վերականգնել այն և տեղադրել արժանի վայրում։ Ինչպես և ռուսական պատմության և մշակույթի հետ կապված այլ հուշարձաններ, որոնք թիրախավորել են վանդալները։ Պետք չէ դրանք ոչնչացնել, ավելի լավ է մեզ տվեք»,- գրել է նա։