ՄԻՊ-ը «Արմավիր» ՔԿՀ–ում այցելել է Աղվանին, ծանոթացել նրա առողջական խնդիրներին․ Գառնիկ Դանիելյան

 

Հիշեցնեմ, որ Աղվանի մոտ երկու տարի առաջ հայտնաբերվել է ծանր հիվանդություն, ինչից հետո ենթարկվել է բարդ վիրահատության, անցել քիմիոթերապիայի կուրսեր։

Աղվան Արշակյանը 3 ամիսը մեկ պարտադիր պետք է անցնի հետազոտություններ, լինի բժիշկների վերահսկողության ներքո, ընդունի հատուկ սննդակարգ։

Խնդրի կապակցությամբ գրավոր դիմել էի ՀՀ ՄԻՊ Անահիտ Մանասյանին՝ կոչ անելով ձեռնարկել գործուն քայլեր։

 

Վերջինիս կողմից ստացել եմ պատասխան, որտեղ ՀՀ ՄԻՊ-ը հայտնում է, որ դեռևս հուլիսի 9-ին այց է կատարել «Արմավիր» քրեակատարողական հիմնարկ, որտեղ էլ առանձնազրույցի ընթացքում անձամբ Աղվանից ծանոթացել է վերջինիս առողջական խնդիրներին։ Արձանագրված խնդիրների կապակցությամբ համապատասխան պարզաբանումների պահանջով վերջինիս կողմից հուլիսի 16-ին գրություն է ուղարկվել ՀՀ գլխավոր դատախազություն։

 

Բացի այդ, ինձ հասցեագրված գրության մեջ նշվում է, որ հուլիսի 25-ի իմ հրապարակային հայտարարությունից հետո հուլիսի 28-ին Պաշտպանի աշխատակազմի ներկայացուցիչները ևս մեկ անգամ այցելել են քրեակատարողական հիմնարկ, զրուցել Աղվան Արշակյանի հետ, ուսումնասիրել վերջինիս պահման պայմանները, որոնք էլ ամփոփվել են պատկան մարմիններին ուղղված լրացուցիչ գրություններում։

 

Լինելու եմ հետևողական, որպեսզի Աղվան Արշակյանի՝ ազատության մեջ հայտնվելն օր առաջ դառնա իրողություն։ Այս առումով, ուզում եմ շնորհակալություն հայտնել Աղվանի պաշտպան Վարազդատ Հարությունյանին և մյուս փաստաբաններին, որոնք ամենօրյա հսկայական աշխատանք են կատարում այդ ուղղությամբ»։