Չի կարելի Փրկչի խոսքն այսքան քաղաքականորեն շահարկել․ Տեր Նշան քահանան՝ Փաշինյանին

Տեր Նշան քահանա Ալավերդյանը պատասխանել է Փաշինյանի առավոտյան կատարած գրառմանը։

«Խաղաղարար՞... Պատերազմ հրահրե՞լով նույնիսկ ընտանիքների ներսում, պատերազմ հայտարարելով Աստծու եկեղեցո՞ւն, բաժան-բաժան անելով նույն ազգության և հավատքի մարդկա՞նց։ Երկնքի և երկրի, Աստծու և մարդու միջև խաղաղություն հաստատելու մասին է սա։ Չի կարելի Փրկչի խոսքն այսքան քաղաքականորեն շահարկել. «Վա՜յ նրանց, ովքեր չարը բարի են անվանում, իսկ բարին՝ չար, ովքեր լույսը խավար են համարում, իսկ խավարը՝ լույս, ովքեր դառը քաղցր են համարում, իսկ քաղցրը՝ դառը։ Վա՜յ նրանց, ովքեր իրենց իմաստունի տեղ են դնում, իրենք իրենց աչքին խորագետ են երևում» (Եսայի 5:20)»,– գրել է նա։