Գիտեմ, որ դու գալու ես ու դառնալու է՛ն ուժը, որը ինձ օգնելու է վեր հառնելու իմ հոգու փլատակներից. 44-օրյա պատերազմում անհետ կորածի մայրը շնորհավորել է որդու ծնունդը
Բլոգոսֆերա
Անհետ կորածի մայր՝ Հեղինե Ավագյանը ֆեյսբուքյան էջում գրել է․
Տղե՜ս… միակս, էությունս, սրտի զարկս…
24տարի առաջ դու ծնվեցիր ու ես դարձա ավելի ուժեղ, ավելի մայր, ավելի ու ավելի անպարտելի, անսահման երջանիկ:
Հիմա է’լ ավելի երջանիկ եմ, որ պատիվ ունեմ քո մաման լինելու: Միակս, անկրկնելի՜ս…
Բայց հիմա հոգիս փշրված է, բայց դեռ էլի’ անպարտ, սիրտս կոտրված է, բայց ո՛չ մեռած, թևերս կոտրված են, բայց ո՛չ կտրված, որովհետև այդ ջախջախված սրտում ծվարած է անսահման կարոտը, հույսը ու սպասումը քեզ նորից գրկելու…
Բարով ես ծնվել, բալե՜ս…
Գիտեմ, որ դու գալու ես ու դառնալու է՛ն ուժը, որը ինձ օգնելու է Փյունիկի պես վեր հառնելու իմ հոգու փլատակներից…
Տղե՜ս… Ավա՜գս… միա՜կս… անկրկնելի՜ս…
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
