«Դեռ գիտակցություն ուներ, ինձ էր կանչում»․ Քույրը 44-օրյա պատերազմում կորցրել է միանգամից երեք եղբայրներին
Բլոգոսֆերա
Շուշանիկ Փափազյանը ֆեյսբուքյան էջում գրել է․
Բելլան կորցրել է միանգամից երեք եղբայրներին, տեսել նրանցից երկուսի մահը։ Սասունը և Արայիկը նույն պաշտպանական շրջանում էին, զոհվում են սեպտեմբերի 19-ին, իսկ Դավիթը, չորս օր շրջափակման մեջ մնալուց և ազատվելուց հետո, զոհվում է սեպտեմբերի 27-ին՝ Հայկազովում ծանր այրվածքներ ստանալու հետևանքով։
Բելլան աշխատում էր Ստեփանակերտի «Հանրապետական» հիվանդանոցի անհետաձգելի բուժօգնության բաժանմունքում որպես բուժքույր։ Երբ սկսվում է պատերազմը, հերթապահության մեջ էր։ Սկզբում հիվանդանոցի ընդունարանում տեսնում է կրտսեր եղբորը՝ Սասունին՝ առանց վերջույթների։ Սասունի կյանքը փրկել չի հաջողվում։
Շուտով հիվանդանոցը կրկին վիրավորներ է ընդունում։ Նրանց մեջ էր Բելլայի մյուս եղբայրը՝ Արայիկը. «Դեռ գիտակցություն ուներ, ինձ էր կանչում, ասում էր՝ սրսկեմ, որ ցավերը թուլանան։ Ինձ մի կերպ հավաքեցի, որ օգնեմ։ Խաբեցի ու ասացի, որ Սասունի հետ ամեն բան լավ է, թեթև վիրավորվել է»։
Արայիկի կյանքը փրկել ևս չի հաջողվում։ Բելլան դեռ լուր չուներ իր մյուս եղբորից՝ Դավիթից. «Վերջապես զանգում է սեպտեմբերի 24-ին։ Չեմ կարողանում ասել, որ Սասունն ու Արայիկը չկան։ Հարազատներից է իմանում։ Մի կերպ տուն է գալիս»։
Հաջորդ օրը Դավիթը գնում է Հայկազով՝ ընկերոջ համար բենզին բերելու. «Դավիթին տեսնում եմ հիվանդանոցում, ծանր այրվածքներ ուներ։ Կրկին մի կերպ բուժօգնություն եմ ցույց տալիս։ Աղոթում եմ, որ գոնե ինքը ողջ մնա։ Այդ գիշեր մի կերպ պահում ենք, սեպտեմբերի 26-ին ուղղաթիռով ուղարկում Երևան։ Հաջորդ օրը իմանում ենք, որ ինքն էլ է զոհվել»։
Լուսանկարի մեջտեղում՝ Արայիկ Առաքելյանը, ձախից՝ Սասուն և Դավիթ Ավանեսյանները։
Ամբողջական հոդվածը՝ շուտով։ Լուսանկարը՝ Nare Arushanyan-ի
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
