Դեսպանի աշխատանքը ձախողելու համար Մակունցին մեդալ են տվել. Լրագրող

Լրագրող Ոսկան Սարգսյանը իր ֆեյսբուքյան էջում գրում է.

Հայ-ամերիկյան հարաբերությունները տապալելու համար Մակունցը մեդալի է արժանացել

Օգոստոսի 22-ին ԱՄՆ-ում ՀՀ դեսպանությունում տեղի է ունեցել ԱՄՆ-ում դեսպանի աշխատանքն ավարտած Լիլիթ Մակունցի հրաժեշտի արարողություն։ Դեսպան Մակունցը Կանզասի ազգային գվարդիայի կողմից պարգևատրվել է «Գերազանցության մեդալով»՝ «իր չորս տարվա անբասիր ծառայության և ՀՀ և Կանզասի ազգային գվարդիայի միջև երկկողմ անվտանգային համագործակցության մեջ ունեցած նշանակալի ներդրման համար»։

Լիլիթ Մակունցը դիվանագետի կրթություն, դիվանագիտական աշխատանքի փորձ չունի, նա աշխարհի թիվ 1 գերտերությունում ՀՀ դեսպան էր նշանակվել այն բանի շնորհիվ, որ մտերիմ է Նիկոլ Փաշինյանին, նրան անգլերեն է սովորեցրել։ Լիլիթ Մակունցը դեսպան աշխատելու 4 տարիների ընթացքում տապալել է հայ-ամերիկյան հարաբերությունները, ԱՄՆ-ում հայկական սփյուռքի հետ ՀՀ դեսպանատան համագործակցությունը։ Փաստորեն դեսպանի աշխատանքը ձախողելու համար նրան մեդալ են տվել։