Օգոստոսին ՌԴ է մտել Հայաստանի մրգերով և բանջարեղենով բարձված 762 բեռնատար մեքենա․ Պապոյանը` Դանիելյանին
Բլոգոսֆերա
Օգոստոս ամսվա ընթացքում ՌԴ է մտել Հայաստանի մրգերով և բանջարեղենով բարձված 762 բեռնատար մեքենա և Վրաստանից հետ է վերադարձվել ընդամենը 4-ը, գրել է ՀՀ էկոնոմիկայի նախարար Գևորգ Պապոյանը` պատասխանելով ԱԺ պատգամավոր Գառնիկ Դանիելյանին։
«Գառնիկ ջան, սուտ խոսելը լավ բան չէ»,– նշել է նա։
Ավելի վաղ Դանիելյանը Ֆեյսբուքի իր էջում գրել էր, որ Վերին Լարսի անցակետից գյուղմթերքով, սալորով, դեղձով, խաղողով բեռնված հարյուրավոր մեքենաներ են վերադառնում:
«Բեռնափոխադրողներն ահազանգում են, որ իրենց չի տրվում հստակ պատճառաբանություն, խոսվում է բուսասանիտարիայի հետ կապված ինչ-որ խնդիրների մասին:
Այս ամենի հետևանքով հսկայական վնասներ են կրում գյուղացիները, գյուղատնտեսությամբ զբաղվողները:
Նշեմ, որ այլ ապրանքներով բեռնված բեռնատարներ ևս ենթարկվում են մանրակրկիտ զննման, ինչի հետևանքով խոչընդոտվում է վերջիններիս մուտքը Ռուսաստանի Դաշնություն:
Մասնավորապես, խնդիրների են բախվում շինանյութ փոխադրող մեքենաները, ինչն աննախադեպ է այս ոլորտի պարագայում:
Բազմաթիվ բեռնատարներ անորոշության մեջ դեռևս սպասում են որոշման:
Ինչպես միշտ, պատկան մարմինների կողմից չկա համապատասխան արձագանք, գործողություններ:
Ակնհայտ է, որ խնդիրը միայն տնտեսական չէ, ունի քաղաքական ենթատեքստ։
Շնորհավոր «Թրամփի ճանապարհ»,– նշել էր նա:
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
