Դիտորդներին արգելել են հետևել «Հոգեկան առողջության պահպանման ազգային կենտրոն»-ի մրցույթին․ Անուշ Պողոսյան

ՀՀ առողջապահության նախարարությունում այսօր ժողովրդավարության ամենաբարձր նիշն է գրանցվել։ Այս մասին Ֆեյսբուքի իր էջում գրել է «Առողջության իրավունք» ՀԿ-ի նախագահ Անուշ Պողոսյանը՝ ահազանգելով, որ դիտորդներին արգելել են հետևել «Հոգեկան առողջության պահպանման ազգային կենտրոն»-ի մրցույթին։

«Այս պահին ընթանում է «Հոգեկան առողջության պահպանման ազգային կենտրոն»-ի մրցույթը, որին դիտորդներին արգելել են հետևել մրցույթին, նստեցրել են մեկ այլ սենյակում և անհաջող, ընդհատվող Zoom կապով առաջարկել են նայել։ Սա կոպտագույն խախտում է, քանի որ նման ընթացակարգ ՀՀ կառավարության 2022 թվականի  129 - Ն որոշմամբ նախատեսված չէ»,– գրել է նա։ 

Դիմելով ՀՀ վարչապետ Նիկոլ Փաշինյանին և ՀՀ պետական վերահսկողական ծառայությանը՝ Պողոսյանը նշել է․ «Կա՛մ սաստեք այս բեսպրեդելը, կա՛մ հայտարարեք, որ այլևս օրենքի գերակայություն Հայաստանում չկա, կան միայն իշխանական շահեր»։