ՌԴ արտահանված ավելի քան 73 հազար տոննա միրգ-բանջարեղենից վերադարձվել է 998 տոննան․ Պապոյան

Այս տարվա հունիս-օգոստոս ամիսներին ՌԴ է արտահանվել  73 հազար 501 տոննա միրգ և բանջարեղեն, որից հետ է վերադարձվել 998 տոննան կամ 1,36%-ը։ Այս մասին Ֆեյսբուքի իր էջում գրել է Էկոնոմիկայի նախարար Գևորգ Պապոյանը՝ հակադարձելով ԱԺ պատգամավոր Գառնիկ Դանիելյանին։

«Շատ կարևոր փաստ. վերադարձված բեռներից 684 տոննան եղել է հունիս և հուլիս ամիսներին, իսկ 314-ը՝ օգոստոսին, այսինքն այս մասով էլ օգոստոս ամսին որևէ տարօրինակ աճ չկա և պահպանվել է նախորդ ամիսների համաչափությունը։

Իմիջիայլոց վերադարձված բեռների մեծ մասը խնդիր են ունեցել փաստաթղթերի հետ։

Գառնիկ ջան, սուտ խոսելը լավ բան չէ»,– գրել է նա։