Արթուր Չախոյանի նկատմամբ վարչարարություն է իրականացվել. Կոստանյան
Բլոգոսֆերա
Բլոգեր Արթուր Չախոյանը հրապարակում էր կատարել՝ նշելով, որ իրեն հասարակական տրանսպորտում անօրինականորեն տուգանել են այն դեպքում, երբ ինքը վճարել էր ուղեփոխադրման համար իր բանկային քարտով։
Քաղաքապետարանի մամուլի քարտուղար Հայկ Կոստանյանը անդրադարձել է հրապարակմանը՝ նշելով․
«Զարմանալիորեն, սակայն, վերջինս «մոռացել» է ցույց տալ այն հատվածը, որտեղ անձամբ պահանջում է, որ իր նկատմամբ վարչարարություն իրականացվի։
Հասարակական տրանսպորտում վճարման փաստը հավաստող ապացույց չներկայացնելու պատասխանատվությունը կրում է ուղևորը։ Այս հանգամանքը կարող է հիմք հանդիսանալ նրա վարչական պատասխանատվության ենթարկելու համար, ինչի արդյունքում էլ վերջինիս նկատմամբ վարչարարություն է իրականացվել»։
Ավելի վաղ Չախոյանը գրել էր․ «Այսօր տրանսպորտում ինձ 10.000 դրամով տուգանել են «անճար երթևեկելու համար», այն դեպքում, երբ ես վճարել էի ուղեփոխադրման համար իմ բանկային քարտով։ Ինձ անօրինական տուգանել են, և ես դատարանում բողոքարկելու եմ հիմնավոր ու անհերքելի փաստերով, քանի որ տեսաձայնագրել եմ թե ինչպես եմ վճարել, և որից հետո, ինչպես են ինձ անօրինական տուգանել»։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
