Հազարավոր քաղաքացիներ Ուկրաինա են մեկնում որպես վարձկաններ. Կոլումբիայի ԱԳՆ

Կոլումբիայի արտաքին գործերի նախարար Ռոսա Վիլյավիսենսիոն հայտարարել է, որ երկրի բազմաթիվ քաղաքացիներ մեկնում են Ուկրաինա՝ մասնակցելու պատերազմին որպես վարձկաններ։ Նրա խոսքով՝ հիմնականում երիտասարդներ են, ովքեր կապ ունեն զինված խմբավորումների հետ և կամ անցնում են ռազմական պատրաստություն, կամ անմիջապես ներգրավվում են մարտական գործողություններում։

Ըստ Ուկրաինայի ԶՈւ-ի ներկայացուցչի՝ վերջին տարիներին զգալիորեն աճել է օտարերկրյա վարձկանների ներգրավումը։ Եթե 2022-ին Ուկրաինայի բանակն ամսական ընդունում էր մոտ 100 օտարերկրյա զինվոր, ապա այժմ այդ թիվը հասել է 600-ի։

Ուկրաինայի 47-րդ առանձին մեխանիզացված բրիգադի հրամանատարներից մեկը, կոդանունով «Համլետ», հայտնել է, որ միայն իրենց ստորաբաժանումներում կռվում է շուրջ երկու հազար կոլումբիացի վարձկան։