Իրանում մահապատժի են ենթարկել Զելենսկուն նամակ գրած տղամարդուն

Բաբակ Շահբազին, որը դատապարտվել էր լրտեսության և անվտանգության ոլորտում Իսրայելի հետ համագործակցության համար, մահապատժի է ենթարկվել Իրանում չորեքշաբթի առավոտյան։

Այս մասին հաղորդում է radiozamaneh.com-ը։

Շահբազին մահապատժի է ենթարկվել այսօր՝ դատավարությունից և Գերագույն դատարանի կողմից՝ Իսրայելի «Մոսադ» հետախուզական գործակալության հետ հետախուզական տվյալների փոխանակման գործում նրա ունեցած դերի հաստատումից հետո։

Այնուամենայնիվ, ակտիվիստները պնդում են, որ նրա ձերբակալության իրական պատճառը Ուկրաինայի նախագահ Վլադիմիր Զելենսկիին ուղղված նամակն է եղել, որում նա արտահայտել էր Ուկրաինայի զինված ուժերին միանալու և Ռուսաստանի դեմ կռվելու իր ցանկությունը։

Նրանք պնդում են, որ խոստովանությունը կորզվել է կտտանքների միջոցով։