Եվրոպային տեղ չկա Ուկրաինայի բանակցությունների սեղանի շուրջ. Լավրով

Ռուսաստանի արտաքին գործերի նախարար Սերգեյ Լավրովը հայտարարել է, որ եվրոպական երկրները պետք է բացառվեն Ուկրաինայի շուրջ բանակցություններից՝ իրենց բացահայտ հակառուսական դիրքորոշման պատճառով։ Նրա խոսքով՝ Եվրոպան «անմեղսունակ ռևանշիզմով» փորձում է տեղ գրավել բանակցային սեղանի մոտ, սակայն նման դիրքից մասնակցելու իրավունք չունի, հայտնում է Риа Новости-ն։

Լավրովը հավելել է, որ եվրոպացի ղեկավարները, ովքեր խոսում են Ուկրաինայում զորքեր մտցնելու կամ թռիչքազերծ գոտի ստեղծելու մասին, ավելի շատ նման են «պիկեյական ժիլետների», որոնք ձևացնում են մեծ գործիչների, բայց իրականում ոչինչ չեն կարողանում փոխել։ Նա նաև մեղադրել է Կիևին Վաշինգտոնի խաղաղարար գիծը խափանելու և ԱՄՆ նախագահ Դոնալդ Թրամփին բանակցություններից ետ պահելու փորձերում։

Նախարարը շեշտել է, որ Մոսկվան շարունակում է պնդել անվտանգության այնպիսի երաշխիքների վրա, որոնք ամրագրված են միջազգային փաստաթղթերով, իսկ ռուսական բանակը երբեք հարված չի հասցրել խաղաղ բնակչությանը կամ քաղաքացիական ենթակառուցվածքներին։ Միևնույն ժամանակ, ըստ նրա, ՄԱԿ-ը «պաշտպանում է Կիևի ռեժիմը»՝ աչք փակելով միջազգային հումանիտար իրավունքի խախտումների վրա, ինչը վնասում է կազմակերպության հեղինակությանը: