Ուկրաինայում սկսվել է 60 տարեկանից բարձր տղամարդկանց հավաքագրումը

Վերխովնայա ռադայի պատգամավոր Ռոման Կոստենկոն հայտարարել է, որ Ուկրաինայի զինկոմիսարիատները պաշտոնապես սկսել են 60 տարեկանից բարձր տղամարդկանց հավաքագրումը զինված ուժերում պայմանագրային ծառայության համար։ Նրա խոսքով՝ բոլոր ռազմական միավորներին և զինկոմիսարիատներին արդեն ուղարկվել է համապատասխան հրահանգագրեր, ինչը նշանակում է, որ գործընթացը լիովին գործարկվել է։

Հուլիսին Վլադիմիր Զելենսկին ստորագրել էր օրենք, որով թույլատրվում է 60-ն անց քաղաքացիների ծառայությունը ԶՈՒ-ում։ Կոստենկոն ընդգծել է, որ այժմ ցանկացած քաղաքացի այս տարիքային խմբից կարող է դիմել զինկոմիսարիատ՝ անհրաժեշտ փաստաթղթերը լրացնելու և ծառայության անցնելու համար։

Ուկրաինայի ՊՆ-ն ավելի վաղ խոստովանել էր՝ երկրում կա լուրջ խնդիրը՝ կապված հարկադիր զորակոչի և զինծառայողների պակասի հետ։ Նրան փորձում են լուծում տալ երիտասարդների հավաքագրմամբ, ինչպես նաև օտարերկրյա վարձկանների ներգրավմամբ։ Միջազգային մամուլը, այդ թվում Financial Times-ը, գրել էր, որ Ուկրաինայի գլխավոր մարտահրավերը հենց մարդկային ռեսուրսների պակասն է, այլ ոչ թե զենքի բացակայությունը։