Թրամփը փորձում է պառակտել Միացյալ Նահանգները․ Օբամա

ԱՄՆ նախագահ Դոնալդ Թրամփն ուժեղացրել է պառակտումն ԱՄՆ-ում՝ շտապելով «որոշել թշնամուն» աջ արմատական ակտիվիստ Չարլի Քըրքի սպանությունից հետո: Այս մասին հայտարարել է ԱՄՆ նախկին նախագահ Բարաք Օբաման, փոխանցում է The Guardian-ը։ 

Թրամփը, Նրա խոսքով, պետք է համախմբեր մարդկանց, բայց դրա փոխարեն էլ ավելի պառակտեց ամերիկյան հասարակությունը: Օբաման դատապարտել է քաղաքական բռնությունը և հիշատակել նաև դեմոկրատ քաղաքական գործիչ, Մինեսոտայի Ներկայացուցիչների պալատի անդամ Մելիսա Հորտմանի սպանությունը: Երկու միջադեպերն էլ նա «ողբերգություն» է անվանել։  Նրա խոսքով՝ քաղաքական բռնությունն «անատեմա է այն բանի համար, թե ինչ է նշանակում լինել ժողովրդավարական երկիր»:

«Այստեղ ոչ մի «եթե», «և» կամ «բայց» չկա. մեր ժողովրդավարական համակարգի կենտրոնական նախադրյալն այն է, որ մենք պետք է կարողանանք չհամաձայնել և երբեմն իսկապես սուր բանավեճեր վարել՝ առանց բռնության դիմելու», - ասել Է Օբաման: 

Քըրքի սպանությունը, Ինչպես նշել Է Օբաման, բանավեճ է հրահրել խոսքի ազատության և բռնության հրահրման վերաբերյալ։ «Դրանք կարող են հանգեցնել քաղաքական և մշակութային տարաձայնությունների խորացմանը», -կարծում է ԱՄՆ նախկին նախագահը։  

Օբաման ուշադրություն է դարձրել, որ Քըրքի սպանությունից հետո քաղաքականության նկատմամբ տարբեր հայացքներ ունեցող մարդիկ ավելի հաճախ սկսել են ընդդիմախոսներին «մակաբույծներ, թշնամիներ» անվանել: Նա դա անվանել է «ավելի մեծ խնդրի նշան»։