Սարգսյան–Ալիև 2012-ի առաջին հանդիպումը

Այսօր՝ հունվարի 23-ին, Ռուսաստանի Դաշնության Սոչի քաղաքում տեղի կունենա Հայաստանի, Ադրբեջանի և Ռուսաստանի նախագահների թվով տասներորդ եռակողմ հանդիպումը՝ Լեռնային Ղարաբաղի հարցի շուրջ։ Այս հանդիպումից, ինչպես հակամարտող կողմերը, այնպես էլ միջնորդ Ռուսաստանը, շատ մեծ ակնկալիքներ չունեն, ու որոշ պարբերականներ նշում են, որ այն կրում է սիմվոլիկ բնույթ՝ կապված Մեդվեդևի նախագահության ավարտի հետ։ Վերջինս փորձում է ցույց տալ հանրությանը, թե ինչպիսի ջանքեր է գործադրել նշված հակամարտության լուծման ուղղությամբ։  Սակայն մյուս կողմից այս հանդիպումը 2012 թվականի առաջին հանդիպումն է՝ Արցախի հարցի շուրջ, որը կարող է նախանշել տարվա ընթացքում սպասվող իրադարձությունները։