«Սա պետական դավաճանություն էր». Մհեր Մելքոնյան

«Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «2023 թվականի սեպտեմբերի 19-ին Ադրբեջանը լայնամասշտաբ հարձակում սկսեց Արցախի Հանրապետության վրա՝ թիրախավորելով խաղաղ բնակչությանը, ենթակառուցվածքները և պաշտպանության համակարգը։

Հարձակման հետևանքով Պաշտպանության բանակն ունեցավ 265 զոհված և անհայտ կորած զինծառայողներ, իսկ Արցախի ամբողջ հայ բնակչությունը բռնի տեղահանվեց։
Հայկական Արցախը հայաթափվեց։

Այս ողբերգությունն ու էթնիկ զտումը տեղի ունեցավ` միջազգային անտարբերության և Հայաստանի գործող իշխանությունների բացահայտ անգործության և լուռ համաձայնության արդյունքում։

-Իշխանությունները ոչ միայն չդիմադրեցին, այլ առհասարակ մերժեցին իրենց պարտականությունը՝ որպես Արցախի անվտանգության երաշխավոր։

-Կեղծ խաղաղասիրության քողի տակ նրանք լռելյայն ընդունեցին Արցախը Ադրբեջանի մաս համարելու քաղաքական մոտեցումը։

-Միջազգային հարթակներում դե ֆակտո հանդես եկան որպես ոչ թե Արցախի պաշտպան, այլ՝ Ադրբեջանի դաշնակից։

Սա պետական դավաճանություն էր...
Արցախի հարցը փակված չէ։
Եվ չի կարող փակվել:
Արցախի հարցը վեր է ամեն ինչից:

Այն մեր ազգային, պետական և պատմական օրակարգն է, որի լուծումը կմնա հայ ժողովրդի կենսական իրավունքների և ինքնության անբաժանելի մասը»։