Վալոդյա Գրիգորյանի ու ոստիկան Կարեն Աբրահամյանի սպանության գործով այս պահին դեռ կասկածյալ չկա

Փարաքարի համայնքապետ Վալոդյա Գրիգորյանի ու քրեական ոստիկան Կարեն Աբրահամյանի սպանության գործով այս պահին դեռ կասկածյալ չկա, լրագրողներին այս մասին ասաց դեպքի վայրում աշխատող քննիչներից մեկը։

Նա նշեց, որ այս պահին դեպքի վայրի լրացուցիչ զննություն է իրականացվում։

Քննիչն այլ մանրամասներ չհաղորդեց։

Հիշեցնենք՝ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։ 
 
Մահացածներից մեկը համայնքի ղեկավար Վալոդյա Գրիգորյանն է, երկրորդ զոհը քրեական ոստիկան Կարեն Աբրահամյանն է: 

Նարեկ Սարգսյանը հայտնել է, որ ոստիկանը ծառայության մեջ չի եղել, պարզապես այդ պահին Վոլոդյա Գրիգորյանի հետ է եղել. նրանք ընկերական հարաբերություններ են ունեցել:

Մերձավանի կրակոցների և սպանությունների դեպքի առթիվ նախաձեռնվել է քրեական վարույթ։

Վիրավորում էր ստացել նաև նրանց հետ գտնվող երրորդ անձը, որը վիրահատվել է, կյանքին վստանգ չի սպառնում։